Apr 17, 2009


फूल दिए ओइलाइ जाला औठी देउन तिम्रो हातको
मीठो तिम्रो बोली बचन मात लाग्यो बातको

ठेगान छैन भेट अब हुन्छ हुन्न फेरी
सगै बसौं आज राती नजरले हेरी

पलपलमा तिम्रो तस्विर आउछ आखाभरी
टाढा हुन सक्दिन म धड्कन बढ्छ छातीभरी

यो लुम्लेमा , मुटु काम्ने हावा चल्छ बर्सिरहन्छ पानी
मन पर्ने मायालुलाइ छोडी कहा जाने ?

माया लाग्दो लुम्ले गाउ कस्तो सुन्दर ठाउ
तिम्लाइ भेट्न फेरी पनि आइरहन पाउ

लालीगुरास फूल जस्तै फर्किरहनु फुलिरहनु
सधैं भेट अब हुन्छ हुन्न सपनीमा आइरहनु ।

( कास्की जिल्लाको लुम्ले गाउमा गत चैत १५,०६५ मा लेखिएको गीत )

1 comment:

Shiva Prakash (शिव प्रकाश) said...

कविता गाउँमा हो ? अनि कता वेपत्ता त बाटोबाटै ?
राम्रो छ ल ।